香港係個夜夜笙歌嘅城市，所以當佢靜落嚟嘅時候，就顯得更加珍貴～ 想每晚一覺瞓天光，就試吓我哋以下推介嘅床上用品、床單同床褥啦！
即使喺公司忙咗成日，應酬完老細食飯，甚至同朋友一齊埋 joyful hour，唔少香港人夜晚返到屋企都依然輾轉難眠，成晚眼光光…… 想解決失眠嘅煩惱，識做嘅一定會揀為自己身體提供適當支撐嘅床褥、柔軟透氣嘅床單，同設計精良嘅枕頭。有以下一系列最優質嘅寢具同床上用品，包保你唔使再數綿羊喇！
舒適感最完美嘅香港床具同床褥推介
1. Skyler
Skyler 嘅床褥採用全天然乳膠同高密度嘅記憶棉，可以提供優質嘅承托力，同時柔軟、舒適，同埋貼服。佢哋更加標榜床褥以高透氣嘅海綿物料同纖維布套製成，配備散熱同排走濕氣嘅功能，啱晒各位怕熱嘅香港人呀！另外，Skyler 提供100日嘅床褥試用期，俾你親身評估同埋享受足本嘅體驗。除咗我哋推介嘅床褥之外，你亦都可以選購佢哋嘅枕頭、竹纖維床單套裝、防水防蟎保護套等等。
Skyler 喺香港有多間門市。
2. Heveya®
Heveya® 係香港一間提供全天然同可持續性床品嘅一站式店鋪，各式各樣嘅寢具環保又舒服，絕對係你嘅不二之選！呢個品牌嘅床褥由100percent有機乳膠製成，提供自然彈性、均衡嘅舒適感同承托力，有助促進脊柱矯正。床褥仲配有可拆卸嘅竹纖維床褥套，令佢更加透氣、衛生，甚至防塵蟎，非常之適合對致敏原敏感嘅人。想瞓得更加稔？Heveya® 一系列優質奢華嘅竹纖維床品同有機被芯將會額外提升你嘅睡眠體驗，令你酣然入夢。
Heveya®，鴨脷洲新海怡廣場28樓 TREE 旗艦店，電話：2870 1582 / 6286 1132 (WhatsApp)
3. 無印良品（Muji）
以極簡主義而深受香港人愛戴嘅無印良品，床上用品嘅人氣絕對不亞於佢哋嘅文具！枕頭、被鋪、床單等等嘅寢具都以簡約嘅設計為賣點，並且用高級嘅有機棉、亞麻或者 Lyocell 環保纖維製成。下次你去 Muji 買筆嗰陣，記得順便買埋呢啲床品，為你嘅睡房翻新！
無印良品喺香港有多間分店。
香港高質花店：為你嘅節日同生活添上色彩
4. 宜家家居（Ikea）
宜家家居一早已經成為咗「平靚正」嘅代名詞。呢間經典嘅瑞典家居用品製造商有彈簧床褥、泡膠床褥、兒童床褥、嬰兒床、床墊等等，可以為唔同年紀同睡姿嘅人提供背部支撐，有助你恢復健康嘅睡眠。太多選擇？用宜家家居嘅「舒適睡眠指南」，就可以搵出最適合自己嘅床褥、枕頭同被㗎喇～
宜家家居喺香港有多間分店。
5. Comma Sleep
彈簧、海綿，定係乳膠床褥好呢？一於集合佢哋所有嘅優點，揀 Comma Sleep 嘅混合式床褥！呢個香港品牌嘅床褥利用晒三種物料，目的係提供合適嘅承托同埋最貼身嘅舒適度，兼且極其耐用同透氣。心動嘅話，你可以利用 Comma Sleep 嘅「100晚試睡」服務，喺屋企瞓個夠本。Comma Sleep 亦都有唔同顏色同印花嘅床品，現代感十足！
了解更多關於 Comma Sleep。
6. 馬莎百貨（M&S）
想喺一定嘅預算入面買到高質嘅寢具同配件？英國著名嘅 Marks & Spencer 可以幫到你。馬莎百貨無論服裝定係食品嘅品質都一向出色同可靠，而床上用品就更加唔使講啦～由純棉到埃及棉，再到其他材料同各種圖案嘅床單以及被套都應有盡有。小朋友一定會特別鍾意馬莎嘅兒童寢具套裝，因為上面印有唔同熱門嘅卡通人物，包括蜘蛛俠、哈利波特、寵物小精靈等。
馬莎百貨喺香港有多間門市。
kayu 
